اسلام آباد 29 جولائي (اے پي پي) وزيراعظم عمران خان سره د پاك يوتھ فورم پلاوي ملاقات كښې وزیراعظم د پاك افغان یوتھ فورم د غړو د پوښتنو ځوابونه وركړي ٬ ده ووئيل هند د ملګرو ملتونو قرارداونو خلاف ورزی کولو سره په يو اړخيزه توګه د کشمیر حیثیت بدل كړے ٬ د 5 اګست 2019 راهسې هند په كشميريانو د ظلم او بربریت يو نوے باب پرانستے ۔ وزیراعظم ووئيل پاکستان 1948 راهسې د کشمیریانو د حقونو تحفظ لپاره په نړيواله كچه غږ پورته كوي ۔ وزیراعظم ووئيل د 5 اګست اقدامات تر بيرته اخستلو او د کشمیر خصوصی حیثیت تر بحاليدو هند سره خبري اتري نه شي كيدې ٬ ده ووئيل صدر اشرف غني سره ښې اړيكي لرم ۔ وزیراعظم ووئيل د افغان لارښودو لخوا پاکستان د افغان بحران ذمه واره ګرځول د افسوس وړ خبره ده ۔ وزیراعظم ووئيل د پاکستان د هڅو تائيد د امریکې خاص استازي زلمے خلیل زاد هم كړے ۔ ده ووئيل د بده مرغه افغانستان كښې غلط تاثر شته چې پاکستان عسکري ادارې کنټرول کوي ۔وزیراعظم ووئيل دا سراسر د هند كړې ډنډوره ده ۔وزیراعظم عمران خان ووئيل زما د حكومت خارجه پالیسی د تيرو 25 كلونو راهسې زما د ګوند د منشور برخه وه ۔ وزیراعظم ووئيل عمر له ما دا مؤقف لرلو چې د افغان مسئلې حل عسکری نه بلكه په سیاسی ډول ممكن دے ۔ د تيرو 15 كلونو راهسې د ګوند د مشر او د درېو كلونو راهسې حکومت كښې پاتې كيدو سره په خپل مؤقف ولاړ يم ٬ حکومت ته په دې مؤقف د عسکری ادارو بشپړه مرسته ترلاسه ده ۔ وزیراعظم ووئيل پاکستان عمر له هند سره امن غواړي خو هند امن نه غواړي ۔ وزیراعظم ووئيل هند دا مهال د آر اېس اېس په نظريه روان دے ۔ وزیراعظم عمران خان ووئيل مقبوضه کشمیر او هند كښې د مسلمانانو ا ود نورو مهذبونو اقلیتونو سره ناوړه سلوك كيږي هم دغه محرکات د هند سره امن كښې لوي خنډان دي ۔ وزیراعظم عمران خان ووئيل پاکستان په نړۍ كښې د كوم هم بل هېواد څخه زيات په افغانستان كښې امن غواړي ۔ وزیراعظم ووئيل افغانستان كښې امن سره به پاکستان ته تر مينځني اسياﺀ هېوادونو رسنه ترلاسه شي ۔ وزیراعظم ووئيل ازبکستان سره مزار شریف ، د پېښور ریلوے پټلۍ لپاره لوظنامه شوې۔ وزیراعظم ووئيل د ریلوے لائن به افغانستان د لاري پاکستان ته رارسي ۔ وزیراعظم عمران خان ووئيل زمونږ د سباؤن د ټولو معاشی تګلارو انحصار په افغانستان كښې په امن دے ۔ وزیراعظم ووئيل د پاکستان اولس افغانان د ګاونډيانو په ځاے وروڼه ګڼي ۔ وزیراعظم عمران خان ووئيل د کرکټ په تاریخ كښې كوم بل هېواد دومره په لږ وخت كښې پرمختګ نه دے كړے څومره چې افغانستان ٬ افغان كډوالو په پاکستان كښې جوړو کیمپونو كښې کرکټ زده كړے كوم چې د ستائنې وړ دے ۔وزیراعظم سره د ملاقات په مهال د اطلاعات او خپرونو وزير چوهدری فواد حسېن، وزير مملكت فرخ حبیب ٬ خاص مرستيال ډاكټر شهباز ګل، سینیټر فیصل جاوید او اعلیٰ چارواكي هم موجود وؤ ۔ د افغانستان څخه تعلق لرونكې خبريالان، مديران او فلم جوړونكې هم ملاقات كښې موجود وو ٬ دې سره سره د افغانستان کاروباری شخصیات ٬ صنعت کار او دفاعی تجزیه نګارو هم ګډون وكړو
وزیر اعظم عمران خان سره د پاك افغان یوتھ فورم پلاوي ملاقات
مضمون کا ماخذ : اسکریچ کارڈز کی جیت
متعلقہ مضامین
