اسلام آباد 06 دسمبر(اے پي پي) د قومي اسمبلۍ سپيكر اسد قېصر او ډپټي سپيكر قاسم خان سوري وئيلي دي چې د ووټر ډے لمانځلو مقصد په اولس كښې د ووټ اهميت په ډاګه كول دي. دوي دا خبره د ووټر ډے په موقع په خپل پېغام كښې كړے كومه چې هر كال د دسمبر په 7مه ورځ لمانځلې شي. د قومي اسمبلۍ سپيكر اسد قېصر ووئيل چې د اسلامي جمهوريه پاكستان آئين په هېواد كښې ټولو اوسېدونكو خلقو ته د رائې وركولو د لارې د جمهوري قوتونو د قوي كولو مكمل اختيار وركوي. ده ووئيل چې په انتخابي عمل كښې د مېرمنو كردار ډېر مهم دے چې د لارې به ئې دوي د خپلو حقونو تحفظ وكړے شي. ده ووئيل چې د پاكستان په مجموعي توګه 97 مليونه رجسټرډ ووټران د ووټ د لارې د خپلې رائې حق كارولې شي. په هېواد كښې د 44 فيصده ووټرانو عمرونه تر 35 كاله دي كوم چې په انتخابي عمل مثبت آغېز كولې شي. ده په اپوزيشن او حكومتي ګوندونو خپل اختلافات هېرولو سره په شريكه د انتخابي اصلاحاتو لپاره ټينګار وكړو. سپيكر ووئيل چې جمهوريت عام وګړي ته د هېواد په معاملو كښې د خپلې برخې اچولو موقع وركوي. ده ووئيل چې په هېواد كښې جمهوري استحكام پېدا كولو سره مونږ يو پرمختللې هېواد جوړولې شي. ده ووئيل چې د كال 2018م په ټولټاكنو كښېې اولس نوي مشران ټاكلو سره دوي ته د هېواد سبنبالولو موقع وركړې او په نتيجه كښې ئې په هېواد كښې د پاكستان تحريك انصاف حكومت مېنځ ته راغلے. ده ووئيل چې په جمهوريت كښې اولس اختيار لري چې هغه د خپلې خوښې مشران وټاكي. ده ووئيل چې د جمهوريت لړې په ځائ ساتلو لپاره به د ووټر پرېكړې ته اهميت وركول وي. په دې موقع ډپټي سپيكر قاسم خان سوري ووئيل چې د ووټ طاقت اولس ته د يو مخلص مشر د ټاكنې حق وركوي. ده ووئيل چې مونږ د خپل ووټر د لارې هېواد ته غوره مشرتابه وركولو سره يو روښانه سباٶن وركولې شي. ده په مېډيا ټينګار وكړو چې هغه دې په اولس كښې د ووټ اهميت په ډاګه كولو لپاره خپل كردار ترسره كړي.
د ووټر ډے لمانځلو مقصد په اولس كښې د ووټ اهميت په ډاګه كول دي. د قومي اسمبلۍ سپيكر او ډپټي سپيكر
مضمون کا ماخذ : ایزٹیک گولڈ
متعلقہ مضامین
