اسلام آباد۔9فروری (اے پی پی):وزیراعظم دے معاون خصوصی ماحولیات ملک امین ??سلم آکھیے جو بلین ٹری منصوبہ پاکستان دی بقا کیتے ٻہوں اہم اے اپوزیشن ایں معاملے تے سیاست نہ کرے ، 2012ءدے مقابلے اچ اڄ جنگلات دے کٹائو اچ کمی آندی پئی اے ، شیخوپورہ دے نیڑے قبضہ مافیا توں 3500 ایکڑ زمین چھڑا تے درخت لا??ے ڳئن ، 1990 دے بعد پاکستان اچ مینگروز دے جنگلات اچ 300 فیصد ودھارا تھئے ، بلین ٹری منصوبہ دے تحت ھک ارب مزید مینگروز لیسوں ، اقوام متحدہ اساݙے ڈیٹا اتے معلومات کوں مستند قرار ݙتے جݙاں جو بھارت اتے نیپال کوں جزوی قرار ݙتا ڳئے ۔ اے ڳالھ ا??ہاں منگل کوں پریس کانفرنس کریندے ہوئیں آکھی اے ۔ انہاں آکھیے جو موسمیاتی تبدیلی تے سنوار کوں وزیراعظم عمران خان کوں بریفنگ ݙتی ڳئی اے جیں اچ پاکستان وچ موسمیاتی تغیرات دا جائزہ ڳھدا ڳئے ، ٹرانسپورٹ، انرجی اتے ٻئے شعبے ماحول کیتے مضر گیسیں پیدا کریندن ۔ انہاں آکھیے جو اساݙا ھک بین ??لاقوامی معاہدہ ہے اتے اساں پر امید اوں جو 2030 تئیں موسمیاتی تغیرات کوں روکݨ ا?? کامیاب تھیسوں ۔
