اسلام آباد۔28نومبر(اے پی پی) په نړيوال موسمياتي كنفرنس (كوپ 28) كښې به د موسمياتي بدلون او ماحولياتي رابطې پلاوې د موسمياتي بدلون نګران وفاقي وزير احمد عرفان اسلم په مشرۍ كښې د پاكستان نمائندګي كوي۔ دا كنفرنس به 30 نومبر څخه تر 12 دسمبر په دبئی كښې كېږي په كوم كښې به چې نړۍ د موسمياتي موافقت د اهميت او موسمياتي لچك د اړوندو منصوبو په اړه خبرولې شي۔ د نهې په ورځ د موسمياتي بدلون او ماحولياتي رابطې سېكرتري سید آصف حیدر شاہ ميډيا ته بريفنګ كښې د 28م کانفرنس آف دی پارټیز (کوپ-28) د ملګرو ملتونو د ماحولياتي بدلون فرېم ورك كنونشن په اړه د وزارت په چمتوالي نيولو رڼا واچوله۔ ده ووئيل په شرم الشېخ، مصر كښې په تېر كوپ – 27 مه غونډه كښې پاكستان په لاس اېنډ ډېمېج نړيواله لوظنامه كولو كښې مهم كردار ترسره كړے ۔ ده ووئيل موجوده كوپ – 28 كنفرنس كښې به 5 مهمو ايجنډا نكات ته خاص پام لرنه كولې شي په كومو كښې چې په بنيادي توګه د لاس اېنډ ډېمېج فنډ پرمختګ او آپرېشنلائزېشن كول ، اولنے ګلوبل سټاک ټېک (جی اېس ټی) رپورټ، د تخفیف پروګرام، موافقت او نور شامل دي۔ ده ووئيل د كاربن په اخراج كښې د پاكستان برخه د نشت برابر ده ٬ له دې كبله د پاكستان كومه ذمه واري نه جوړېږي۔ ده ووئيل موسمياتي فنانس تر دې دمه تخفیف ته زيات پام ګرځوي خو پاكستان موافقت پلو هم پام ګرځول غواړي۔ ده ووئيل پاكستان به نړۍ خبر كړي چې هم دومره موافقت مهم دے څومره چې تخفيف۔ دغسې ېپاكستان به د نړيوال موسمياتي فنانس هدف په زياتولو زور راوړي۔ په کوپ-28 اېکسپو كښې د پاکستان په پوېلين تبصره كولو كښې وفاقي سېكرټري ووئيل وزارت به د کفایت شعارۍ پالېسې تر مخه يو پوېلين جوړوي او مونږ د لېونګ انډس ٬ ریچارج پاکستان او موسمیاتی لچک پېدا كولو منصوبو نندارتون كولو اهتمام هم كړے دے۔ د كوپ 28 فعاليتونو او چارو رپورټنګ او د كميونيكېشن په اړه ده ووئيل په وخت د معلوماتو تبادلې لپاره تګلاره ډېره مهمه ده او مونږ په دې لړ كښې يو سي او پي سېل او کمیونیکېشن سېل جوړوو كوم به چې د ملكي پلاوي د نړيوال موسمياتي كنفرنس مصروفياتو سره د اړوندو معلوماتو شيئر كولو لپاره وقف وي۔ په دې موقع د ميډيا د پوښتنو په ځواب كښې ده ووئيل ډاکټر عادل نجم به په 2 دسمبر د كېدونكي لیونګ انډس انېشی اېټو ډائیلاګ برخه وي او دا به اولنۍ دستوره وي چې ډاكټر عادل نجم به يۍ كوربتوب كوي څوك چې د ماحولياتي او نړيوالو مطالعاتو پوهه لري۔ ده زياته كړه چې پاکستان د موافقت او تخفیف ایجنډې ترسره كولو له تر كال 2030 نزدې 348 بلین ډالر ته اړتيا لري كوم چې د نړيوالې مرستې د لارې ممكن كېدې شي۔
د موسمياتي بدلون نګران وفاقي وزير احمد عرفان اسلم په مشرۍ كښې پلاوې به نړيوال موسمياتي كنفرنس كښې د پاكستان نمائندګي كوي
مضمون کا ماخذ : resultados loteria São Paulo
متعلقہ مضامین
