اسلام آباد 08 جون (اے پي پي) د اطلاعات او خپرونو وزيرمملكت فرخ حبيب وئېلي دي د ډوډۍ٬جامې او د كور د نعرې په بهانه زرداري مني لانډرنګ كړے ٬جعلي اكاؤنټونه يې جوړ كړي او په سوئټزر لينډ كښې يې محلونه جوړ كړي٬په سندھ كښې په دوهم ځل د پيپلز پارټۍ حكومت دے٬د غربت ٬ كرپشن او د لوټ كولو نه علاوه دوي بله كومه كارنامه ترسره كړې٬ وفاقي حكومت د احساس ايمرجنسي كيش تر ټولو زياتې روپۍ 57 اربه 13كروړه 39 لكه 96 زره په سندھ كښې وېشلې دي كومې چې د مجموعي فنډ 35 فيصده دي ۔د نهې په ورځ د اطلاعات او خپرونو وزير مملكت فرخ حبيب د بلاول زرداري په بيان خپل غبرګون كښې ووئيل بلاول بهټو زرداري دې اووائي چې د سندھ اولس ته وړيا علاج لپاره هلت كارډونه ولې نه وركوي٬د پرچې چيئرمېن دې رېښتيا اووائي چې د غنمو د خريدارۍ سپورټ پرائس د 1400 نه 2000 روپۍ د يو من كولو اثر به د وړو په بيعه نه پرېوځي؟ده ووئيل د كال 2008م نه تر كال 2013م د پيپلز پارټۍ په حكومت كښې د فصلونو شرح 1.25 او د آبادۍ شرح 2 فيصد وه۔ستاسو په وجه په هېواد كښې د فورډ سېكورټي ستونزې راپېدا شوي ۔ده ووئيل د عمران خان په مشرۍ كښې حكومت د غزائي تحفظ په څانګه كښې خود كفالت لپاره كار كوي٬د پرچي چيئرمېن دې د مكر ژړا نه كوي بلكې په سندھ كښې دې د ګرانفروشانو او د ذخيره كونكې مافيا په ضد عمليات وكړي٬په دې وخت كښې تر ټولو زيات ګران وړه په كراچۍ كښې خرڅېږي۔ده ووئيل د پاكستان په تاريخ كښې په وړومبي ځل عمران خان د غريبانانو٬بې وسه او د حقدارو مرسته كړې ٬ دوي ته چهت وركړے كېږي٬د كم آمدن كورونه جوړولو لپاره 70 زره درخواستونه ترلاسه شوي۔بلاول صاحب كه د اولس د هيلو له مخې كومه داسې پروژه يا پروګرام لرې نو وړاندې يې كړې ۔ده ووئيل د كومې صوبې مګې چې د 14 اربه روپو غنم اوخوري اولس دې پخپله اندازه ولګوي چې د هغه ځاے واكمن به څومره كرپټ وي۔ده ووئيل د اتلسم بدلون نه پس كركيله د ټولو صوبو غوندې د سندھ حكومت ذمه واري ده٬د پومبې پیداوار د زياتېدو په ځاے ولې كم شو؟۔د زرداري فرنټ ګروپ اومني ګروپ 11 شوګر ملونه لګولي او د دې په وجه په سندھ كښې د پومبې په ځاے د ګنو فصل كرل پېل كړے شوي۔ده ووئيل د ملګرو ملتونو د فورډ اينډ ايګريكلچر آرګنائزېشن رپورټ له مخې په نړۍ كښې د خوراك او څښاك د څيزونو بيعه 40 فيصده زياته شوې او د خوراكي تېلو په بيعو كښې 124 فيصده زياتوالے راغلے ۔ده ووئېل د پيپلز پارټۍ په دور كښې په يو كال كښې تر ټولو زياته ګراني 25 فيصد وه۔ده ووئيل د پیټرول بيعه د 34 ډالرو نه 70 ډالره ته د يو بېرل رسېدلې خو وزيراعظم عمران خان په پاكستاني اولس بوج نه دے اچولے۔
د ډوډۍ٬جامې او د كور په نعره زرداري مني لانډرنګ كړے٬وفاقي حكومت د احساس ايمرجنسي كيش تر ټولو زياتې روپۍ په سندھ كښې وېشلې ۔د اطلاعات او خپرونو وزيرمملكت فرخ حبيب د بلاول زرداري په بيان غبرګون
مضمون کا ماخذ : لاٹری جیتنے کی گائیڈ
متعلقہ مضامین
