اسلام آباد 23 اپرېل (اے پي پي) صدر ډاکټر عارف علوي وئيلي دي د كرونا وائرس وباء د موجوده وضعې په تناظر كښې د ټېلي سكول د لارې فاصلاتي تعليم وركول مهم اقدام دے، په سخت وخت كښې د تعليم وركړې لپاره دا ښه او آسانه طريقه ده، آن لائن طريقې څخه د تعليم وركولو د لارې د ماشومانو وخت ضائع كېدو نه بچ كېدو له به مرسته ترلاسه شي، د ټيلي سکول د لارې تعليم لپاره د استاذانو عزم٬ حوصله او كاركردګي د ستائنې وړ ده۔ د دې خيالاتو څرګندونه ده د زيارت په ورځ اسلام آباد کالج فار ګرلز اېف سکس كښې د ټېلي سكول پراجېكټ دورې په موقع خپلو خبرو كښې وكړه ۔په دې موقع وړومبۍ مېرمن بېګم ثمينه علوي هم موجود وه۔ صدر ته د دورې په مهال د ټېلي سکول په طريقه کار، نصاب او په نورو چارو تفصيلي بريفنګ وركړې شو۔ ده ووئيل په موجوده وضعه كښې مواصلاتې تعليم د نصاب نه مخښكې تللے خو د دې خبرې جاج اخستل هم ضروري دې چې كوچنيان د ټېلي سکول څخه تر كومه حده زده كړه كولې شي٬ آن لائن طريقې سره به د ماشومانو وخت ضائع كېدو نه بچ كولو له مرسته ترلاسه شي۔ ده ووئيل د تعليم وزارت په دې سخت وخت كښې ماشومانو ته د آن لائن طريقې د لارې تعليم وركولو لپاره هڅې كوي كوم چې د وخت ضرورت هم دے ۔ ده ووئيل د ټېلي سکول د لارې د مواصلاتي تعليم وركولو لپاره د تعليم وزارت او د علامه اقبال اوپن يونېورسټۍ د عملې او استاذانو د غوره كاركردګۍ څرګندونه كړې ۔ده ووئېل دا استاذان د عزم او همت ھغه مثالونه دي چې نعم البدل ئې نشته٬ غېر معمولي محنت او عزم سره دا كاميابۍ ترلاسه كېږي۔ صدر ووئيل ټېلي سکول د تعليم په هلو ځلو كښې يوه بهترين اضافه ده۔ علامه اقبال اوپن يونېورسټي د وړاندې نه فاصلاتي طريقې سره تعليم وركوي خو په اوسنۍ وضعه كښې د ټېلي سکول د لارې ماشومانو ته تعليم وركولو سره نوے دور پېل شوے او د دې طريقه كار له مخې ماشومانو لپاره ټول كلاٶډز موجو دي٬ ھغوي خپل لېكچرز رېكارډ كولې هم شي او والدين هم د ټېلي سکول د لارې خپلو ماشومانو سره په زده كړو كښئ معاونت كولې شي۔ ده ووئيل کيليفورنيا كښې د يوې سروے په مهال معلومه شوې چې ماشومان د سكولونو په ځاے فاصلاتي تعليم څخه زياته زده كړه كولې شي۔ ده ووئيل زما دا خواهش ٶ چې پاكستان كښې داسې نظام جوړ شي ، دا د تعليم وركولو ښه او آسانه لاره ده ۔ ده ووئيل د انسان په ژوند كښې د لفظونو انتخاب اهميت لري٬ ماشومان د استاذانو د خبرو نه زده كړه كوي٬ بايد استاذان تعليم وركولو لپاره د مناسبو ټكو انتخاب وكړي۔
د صدر ډاكټر عارف علوي اسلام آباد کالج فار ګرلز اېف سکس كښې د ټېلي سكول پراجېكټ دورې په موقع خبرې
مضمون کا ماخذ : estratégias para loteria
متعلقہ مضامین
