پېښور۔27 اکتوبر(اے پی پی) د پېښور دير كالوني سيمه كښې د نهې په ورځ سهار د شوې چاؤدنې په نتيجه كښې كم نه كم 7 كسان مړه او 60 نه زيات ژوبل شوي دي۔ د پېښور لېډي ريډنګ روغتون ته تر دې دمه د 7 كسانو مړي راوړلې شوي دي۔ د لېډي ريډنګ روغتون ډائرېكټر محمد طارق بركي سرجنز او خپل طبي عملې سره د روغتون په اېمرجنسي روم كښې موجود دے۔ د خېبر پختونخوا وزيراعلی خصوصي مرستيال وئيلي چې د ښار په ټولو روغتونو كښې بېړنې حالت په ځائې كړے شوے دے او ژوبل شوي كسان روغتونونو ته منتقل كولې شي۔ پوليس او د رېسكيو 1122 اهلكار د مرستې كارونو كښې برخه اخلي۔
مضمون کا ماخذ : گرم گرم
