اسلام آباد 18 جون (اے پي پي) وزيراعظم شهباز شريف د فيټف شرائطو په ترسره كېدو ټولو اړوند عهدېدارو ته فرداً فرداً ټيليفون كړے او د پاكستان په كاميابې ئې مباركي وركړې. د خالي په ورځ د وزيراعظم دفتر لخوا جاري شوي بيان له مخې وزيراعظم شهباز شريف خارجه وزير بلاول بهټو زرداري ته ټيليفون وكړو او د فيټف د ګرے لسټ څخه د پاكستان نوم ويستلو په عمل ئې د هغه هڅې وستائيلې. وزيراعظم شهباز شريف د بري پوځ مشر جنرل قمر جاوېد باجوه ته هم ټيليفون وكړو او د فيټف د ګرے لسټ په اړه د شرائطو ترسره كېدو په اعلان ئې مباركي وركړه. وزيراعظم په جنرل هېډكوارټرز كښې د كور سېل جوړولو په اړه د سرلښكر د پرېكړې ستائنه وكړه. وزيراعظم سرلښكر سره په خبرو كښې ووئيل چې په كور سېل كښې شامل سول او ملټري مشرانو او ډلې ته شاباشې وركوم، د پاكستان بريا لپاره د كار كوونكې ډلې په هر يو كس قوم فخر كوي. وزيراعظم شهباز شريف د خزانې وزير مفتاح اسماعيل او د بهرنيو چارو وزير مملكت حنا رباني كهر ته هم ټيليفون وكړو. وزيراعظم د خزانې وزير او د بهرنيو چارو وزير مملكت او د هغې ډلې ته پېرزوينه وړاندې كړه او شاباشې ئې وركړو.
د وزيراعظم شهباز شريف لخوا د فيټف شرائطو په ترسره كېدو ټولو اړوند عهدېدارو ته فرداً فرداً ټيليفون، د پاكستان په كاميابې ئې مباركي وركړه
مضمون کا ماخذ : apostas quina
متعلقہ مضامین
